വലിയ മോഹമായിരുന്നെനിക്കന്ന്
വിലവരും പേന്റൊന്നിടണമെന്നത്
പറയുമ്പോലല്ലിതിടുന്നോന്‍ പത്തായ
പ്പുറത്തുകേറീട്ട് നിവര്‍ന്നുനില്‍ക്കണം
ഒരാളു പേന്റിന്റെയിരുകുഴികളും
ശരിയാക്കിത്താഴെ പിടിച്ചുനില്‍ക്കണം
കുഴികളില്‍ കാലുകയറുംപാകത്തില്‍
പിഴവുപറ്റാതെയെടുത്തുചാടണം.
പറഞ്ഞിട്ടെന്തിനാണെവിടെ പത്തായം!
പറഞ്ഞിട്ടുള്ളതീ മുഷിഞ്ഞ നിക്കറ്.
(വളരെവൈകിയാണെനിക്കു പത്തായം-
പൊളിച്ചോരെപ്പറ്റി മതിപ്പു വന്നത്.)
About Me
- Pramod.KM
- 1982ല് കണ്ണൂരിലെ കടൂരില് ജനിച്ചു.ഓര്മ്മവെച്ച നാള് മുതല് ഭക്ഷണം കഴിക്കാന് തുടങ്ങി.വയറിളക്കം പിടിച്ച ഒരു ദിവസം ഡോക്ടറുടെ അടുത്തേക്കു പോയതാണ് ഓര്മ്മയിലെ ആദ്യ ബസ് യാത്ര.2002 ആഗസ്ത് 6നു ആദ്യമായി ട്രെയിനില് കയറി കൊച്ചി സര്വകലാശാലയില് എം.എസ്.സി.അപ്ലൈഡ് കെമിസ്ട്രിക്ക് ചേരാന് പോയപ്പോള് അവിടെ ഹിരോഷിമദിനാഘോഷം ആയിരുന്നു.2005 ജൂലൈ27 നു ആദ്യമായി വിമാനത്തില് കയറി ‘ഗവേഷണം’എന്നൊക്കെ പറഞ്ഞു ദക്ഷിണ കൊറിയയില് വന്നു കൂലിവേല ചെയ്തു കുടുംബം പുലര്ത്തുന്നു. പറയൂ സഹോദരാ..ഇനി ഞാന്‍ എവിടേക്കാണ് കപ്പല് കയറേണ്ടത്??
This work is licensed under a Creative Commons Attribution-Noncommercial-No Derivative Works 2.5 India License.
6 comments:
വൃത്തത്തിലേക്കും അന്നനടയിലേയ്ക്കും മടങ്ങിപ്പോയോ പ്രമോദാ? :)
ഏതാണ്ടിതുതന്നെ അല്ലേ കുഞ്ഞുണ്ണിമാഷ്
ഒരു ബീഡി തരൂ ചുണ്ടുതരൂ വിരലുതരൂ ഞാനൊരു ബീഡി വലിച്ചുരസിക്കട്ടെ എന്നോ മറ്റോ എഴുതിവിട്ടത് ?
പക്ഷേ ഞാന്‍ പത്തായം ഉണ്ടാക്കിയിട്ടേ പാന്റിടൂ :))
പറഞ്ഞിട്ടെന്തിനാണെവിടെ പത്തായം!
പറഞ്ഞിട്ടുള്ളതീ മുഷിഞ്ഞ നിക്കറ്.
ഈ വരികള്‍ ശരിക്കിഷ്ടപ്പെട്ടു. കുറേ വായനകള്‍ സാധിപ്പിക്കുന്നു പറച്ചില്‍ എന്ന ആവര്‍ത്തിക്കപ്പെടുന്ന പദം.
(ഓ.ടോ : എന്റെ നാട്ടിലെ ഒരു രസികന്‍ അപ്പൂപ്പന്‍ പാന്റ്സ് ഇട്ട് നടക്കുന്ന ഒരു ചെക്കനോട് ‘ബാക്കി എപ്പാ ഈര്‌ന്ന് ? ’ എന്ന് ചോദിച്ചിരുന്നു :)
അല്ല പ്രമോദേ ഈ പേണ്റ്റ്‌ വൃത്തത്തിലോ ചതുരത്തിലോ? കൊള്ളാം ചാട്ടം പിഴച്ചില്ല :)
വട്ടത്തില്‍ വന്ന പത്തായം എനിക്കിഷ്ടമായെന്‍റെ പ്രമോദേ.:)
പാന്റ് ആണെന്ന് വെച്ചാ ഇട്ടതു.. പച്ചേ ഉമ്മാടെ കുപ്പായത്തിന്റെ കൈ ആയിരുന്നു....!!!
പറഞ്ഞിട്ടെന്തിനാണെവിടെ പത്തായം!
പറഞ്ഞിട്ടുള്ളതീ മുഷിഞ്ഞ നിക്കറ്.
ഇഷ്ടമായ് ഈ വരികള്‍...
Post a Comment