കേരളാ ശാസ്ത്രസാഹിത്യ പരിഷത്തിന്റെ
‘മുറിവുണക്കുന്നവര്‍ ’* എന്ന പുസ്തകം
ഞാന്‍
‘ഷേവു ചെയ്യുമ്പോളുണ്ടാകുന്ന മുറിവുണക്കാന്‍ സഹായിക്കും’ എന്ന് പറഞ്ഞ്
ബാര്‍ബര്‍ കണ്ണേട്ടന് വിറ്റിട്ടുണ്ട്.
ബുക്ക് റിപ്പബ്ലിക്കിന്റെ
‘നിലവിളിയെക്കുറിച്ചുള്ള കടങ്കഥകള്‍ ’ എന്ന കവിതാസമാഹാരം
എന്റെ അനിയന്‍
‘കുട്ടികള്‍ക്ക് നല്ല കടങ്കഥകള്‍ പറഞ്ഞുകൊടുക്കാം’ എന്നു പറഞ്ഞ്
ആളുകള്‍ക്ക് വിറ്റിട്ടുണ്ട്.
ഒളിഞ്ഞുനോട്ടങ്ങളും
അളിഞ്ഞ അഭിമുഖങ്ങളും
എഡിറ്റര്‍മാര്‍
മികച്ച സാംസ്കാരിക പ്രവര്‍ത്തനമിതാണെന്ന് പറഞ്ഞ്
ആനുകാലികങ്ങളിലൂടെ വില്‍ക്കുന്നുണ്ട്.
പലരും പലതും വാങ്ങി രുചിക്കുന്നുണ്ട്
സന്തോഷവും സംതൃപ്തിയും ശരിയുമൊക്കെ
ധരിക്കുന്നുണ്ട്.
ചിലര്‍
തൂങ്ങിച്ചാവുന്നുണ്ട്.
----------------------------
*ഡോ: നോര്‍മന്‍ ബെഥൂണെയുടെ ജീവിതകഥയെ ആസ്പദമാക്കി കെ.കെ. കൃഷ്ണകുമാര്‍ എഴുതിയ പുസ്തകം.
About Me
- Pramod.KM
- 1982ല് കണ്ണൂരിലെ കടൂരില് ജനിച്ചു.ഓര്മ്മവെച്ച നാള് മുതല് ഭക്ഷണം കഴിക്കാന് തുടങ്ങി.വയറിളക്കം പിടിച്ച ഒരു ദിവസം ഡോക്ടറുടെ അടുത്തേക്കു പോയതാണ് ഓര്മ്മയിലെ ആദ്യ ബസ് യാത്ര.2002 ആഗസ്ത് 6നു ആദ്യമായി ട്രെയിനില് കയറി കൊച്ചി സര്വകലാശാലയില് എം.എസ്.സി.അപ്ലൈഡ് കെമിസ്ട്രിക്ക് ചേരാന് പോയപ്പോള് അവിടെ ഹിരോഷിമദിനാഘോഷം ആയിരുന്നു.2005 ജൂലൈ27 നു ആദ്യമായി വിമാനത്തില് കയറി ‘ഗവേഷണം’എന്നൊക്കെ പറഞ്ഞു ദക്ഷിണ കൊറിയയില് വന്നു കൂലിവേല ചെയ്തു കുടുംബം പുലര്ത്തുന്നു. പറയൂ സഹോദരാ..ഇനി ഞാന്‍ എവിടേക്കാണ് കപ്പല് കയറേണ്ടത്??
This work is licensed under a Creative Commons Attribution-Noncommercial-No Derivative Works 2.5 India License.
6 comments:
വളരെ നന്നായിരിക്കുന്നു പ്രമോദ്‌
!!! ;)
കൊച്ചുവർത്തമാനങ്ങളുടെ ഓണപ്പതിപ്പുകൾ വിറ്റു പോകുന്നുണ്ട്, പരിഷത്ത് പുസ്തകങ്ങൾക്കാണ് ഡിമാന്റില്ലാത്തത്. നല്ല കവിത,പുതുമയുണ്ട്!
വിശ്വാസം! അതല്ലേ എല്ലാം.
(ഡിൽഡോ എന്തു പറഞ്ഞാ വിൽക്കുന്നതെന്നു പറഞ്ഞില്ല)
ടോയ്‌ലറ്റ് പേപ്പര്‍ ആയി ഒന്നാം പേജ്.. തരൂര്‍ കെട്ട്,കോമണ്‍‌വെല്‍ത്ത്, ഷൂ ഏറ്
DildO enthupaRanjaa vitath? :)
-S- Sunil
Post a Comment